Lítil safnbúð þar sem áhersla er lögð á vandaða íslenska hönnun og handverk er á safninu. Þá er einnig leitast við að hafa til sölu muni er sérstaklega tengjast Austurlandi, eru gerðir af heimamönnum eða hafa aðra skírskotun til landshlutans. Fyrir kemur að vörur séu einnig til sölu er tengjast sérstaklega sýningum safnsins.

Hér fyrir neðan má sjá hluta af því úrvali sem er til staðar í búðinni en auk þessa má nefna stuttermaboli frá Ósóma, skartgripa úr kindahorni frá Ritu Freyju Bach, austfirskar bækur, dvd- disk um íslensk þjóðlög og þjóðdansa, ástarljóð Páls Ólafssonar, kort og ýmsa ódýrar, fjöldaframleiddai minjagripi:

Bíum Bíum (2.250) er geisladiskur sem inniheldur 24 gömul og ný vögguljóð útsett fyrir spiladós. Diskurinn er heimilisiðnaður þeirra Agnesar og Dóra sem búsett eru hér á Fljótsdalshéraði.

Þæfðar ullarseríur (4.300 kr og 4800 kr) og Hulduljós (2.250 kr) eftir Héléne Magnússon.

Krummi (4.200 kr) eftir Ingibjörgu Hönnu.

Myndlistarkonan Hekla Björk Guðmundsdóttir hannar og framleiðar fallegar og skemmtilegar vörur með þjóðlegri vísun:

Servíettur (650 kr)

Kort:(200 - 300 kr eftir gerðum)

Jólavörur:

servíettur                                    kort                                                      eldspýtnastokkar

Ólöf Jakobína Ernudóttir hefur hannað og framleitt límstafi (2.800 kr) með hinum heimilislegum setningum Drottinn blessi heimilið og Heima er best. 

Egilsstaðabúinn, grafíski hönnuðurinn og listamaðurinn Ingunn Þráinsdóttir hefur hannað skemmtileg ljós úr ull og gærum (4.360). Þá er einnig til sölu skemmtilegur jólapappír (570 kr) og jólakort (990 kr.) frá henni.