|
Örćfaball 2009 |
|
|
|
mánudagur, 16 nóvember 2009 |
|
Laugardagskvöldið 14. nóvember var blásið til Öræfaballs í Reykjavík þar sem öllum núverandi Öræfingum og brottfluttum var boðið ásamt öllum þeim hafa verið til lengri eða skemmri tíma í sveit í Öræfum. Mæting var með eindæmum góð, en ríflega 200 manns sóttu samkomuna. Á borðum voru flatkökur með hangikjöti og kleinur úr sveitinni. Stefán Bjarnason frá Hofskoti og Gunnþóra Gunnarsdóttir frá Hnappavöllum sáu um dagskrána og sögðu frá lífinu í sveitinni, t.d. þegar boðun á böll var bara ein stutt í sveitasímann og þá komu allir á línuna. Síðan stigu nokkur misgömul „sveitabörn“ á svið og sögðu frá ýmsu minnistæðu, t.d. lýstu Jón Karl Snorrason flugmaður og Jón Ragnarsson rallkappi fyrstu reynslu sinni af vélknúnum faratækjum, sem var eitthvað fyrir seytján ára aldurinn!!! Einn mætur bóndi úr sveitinni hitti þarna gamlan vinnumann sem hafði verið hjá honum í nokkur sumur í kringum 1950, en síðan þá höfðu þeir hvorki sést né heyrst. Að gömlum sveitasamkomusið var fjöldasöngur sem Sr. Einar Jónsson, fyrrum kúasmali á Kvískerjum spilaði undir. Að lokinni dagskrá spilaðu nokkrir sveitastrákar fyrir dansi vel fram yfir miðnætti. Ánægja með þessa skemmtun var mikil og sögðu menn að þetta þyrfti að gera árlega. Og jafnvel er hugmynd að halda næstu Öræfinga- og sveitabarnasamkomu í sveitinni góðu.
   
Myndir eru komnar inn á myndasafnið.
Nánari fréttir og fleirri myndir frá samkomunni koma síðar.
|
|
|
Örćfaball |
|
|
|
ţriđjudagur, 10 nóvember 2009 |
|
Þessa dagana snýst líf og áætlanir allra Öræfinga og áhangenda þeirra um væntanlegt Öræfaball. Bókanir ganga með miklum ágætum og er farið að leggja drög að því að Skúli setji stækkun „Búðarinnar“ í flýtimeðferð. Útsendara undirbúningsnefndarinnar hefur verið falið að skoða hvort nýja tónlistarhúsið verði orðið boðlegt næstkomandi laugardag!!! Að öllu gamni slepptu verður vonandi pláss fyrir alla, en liggur þó við að hafa þurfi sama háttinn á og í gamla fundarhúsinu á Hofi, að menn hafi stóla meðferðis.
Dagskráin er að mótast, búið að tryggja spilasveit sem ætlar að tryggja að gömlu dansarnir verða stignir. Svo verða sagðar sögur, fjöldasöngur og „gamall“ sönghópur rifjar upp gamla takta. Borið verður fram kaffi og meðlæti auk þess sem bar verður opinn.
Hér til vinstri er auglýsingin um ballið ef menn vilja nánari upplýsingar.
Þeir sem ekki eru búnir að bóka sig geta athugað stöðuna á gestalistanum hjá Öræfingunum í undirbúningsnefdinni.
|
|
|
Hornafjarđarmanninn |
|
|
|
mánudagur, 09 nóvember 2009 |
Spilun Hornafjarðarmannans gekk vel undir styrkri stjórn Sigurpáls. Spilað var á 5 borðum og að lokum stóð Jón Bjarnason úr Ragnárvallasýslu uppi sem sigurvegari. Hann vann reyndar líka fyrir ári síðan og fékk eins og nú Hornafjarðarhumar að launum. Í öðru sæti var Sædís Vigfúsdóttir frá Höfn sem hlaut bókina Gömlu hugljúfu sveit eftir Þorstein á Reiðará. Í þriðja sæti var Gyða Valgerður Kristinsdóttir frá Höfn fékk nýjasta bindi Dynskóga, en á flipanum hér til hliðar hægra meginn geta þeir sem ekki eru eins klárir í Hornafjarðarmanna pantað þetta hefti ásamt eldri bindum.
Myndir eru komnar inn á myndasafnið.
|
|
|
<< Byrja < Fyrri 1 2 3 4 5 6 7 8 9 10 Nćsta > Endir >>
|
| Úrslit 28 - 30 af 84 |
